آشێق امراه
چوْخ اۇستادلار گؤردۆ گؤزۆم
امراه بیر گلدی، بیر گئتدی
تئللی سازین مئدانیندا
امراه شیر گلدی، شیر گئتدی
گاه قێش اوْلدۇ، گاه یاز اوْلدۇ
هم نئی اوْلدۇ، هم ساز اوْلدۇ
طبعی داشقێن آراز اوْلدۇ
امراه کور* گلدی، کور گئتدی
پرده-پرده، خانا-خانا
هوْپدۇ روحا کئچدی جانا
اۇجاق اوْلدۇ یانا-یانا
امراه پیر گلدی، پیر گئتدی
باشێمێزا گلدی نه‌لر
آی زلیم خان قالدێق مله‌ر
آچێلدێ چوْخ معجزه‌لر
امراه سیر گلدی، سیر گئتدی
تلی سازوباغلاما کانالیsazbaglama@