آموزش سازوباغلاما
آشیق ماهنیلاری-متدباغلاما-متدقوپوز(سازآشیقی)-نت آهنگ باغلاما(تورکو)-türküler-bağlama-آذری ماهنیلاری-نت های آذری--عکس های مولان
🎼🎼🎼🎼🎼🎼🎼🎼🎼

آی آنا

دیزیمین  گوللاریمین طاقتی سنسن آی آنا

دیلیمین هر سوزی هر صحبتی سنسن آی آنا

کیم اگر ایستمیرسه آناسین خار اولسون

دیلی لال گوزی کور گولاخلاری کار اولسون

کیم آنا زحمتینی دانسا اونا عار اولسون

کچن اولاد اوچون عذاب اذیتی سنسن آی آنا

دیزیمین گوللاریمین طاقتی سنسن آی آنا

دیلیمین هر سوزی هر صحبتی سنسن آی آنا

اله وارلیغ سان آنا آدین دیللر ازبریمیز

نفسین گلن یرده یوخدی بیزیم دردسریمیز

چوخ گوزل کلام دییب (محمد)پیغمبریمیز

اولاده بخش الیین جنتی سنسن آی آنا

دیزیمین گوللاریمین طاقتی سنسن آی آنا

دیلیمین هر سوزی هر صحبتی سنسن آی آنا
🎼🎼🎼🎼🎼🎼🎼🎼🎼
 sazbaglama@ کانال سازوباغلاما
Saznot.arzublog com

🌷🌷🌷🌷🌷🌷🌷🌷🌷
پریشان اوزانام کؤهنه ساز وئرین
مین هاوا یارادیم یارین خطرینه!
شاختالی عؤمرومه وارسا یاز وئرین
ساچلارا اله‌نن قارین خطرینه!

تئلیندن آسیلیب پرده‌سیز سازیم
سوسوبدو گرایلیم، باتیب آوازیم
سیزیلدار بایاتیم، شوروم، شاهنازیم
کامانین خطرینه، تارین خطرینه!



لاله‌لی داغلاردان ایلهاملار آلیم
ساری تارلالاردا، دویغویا دالیم
چیچکلی باغلاردا سرگیلر سالیم
آلمانین – هئیوانین، نارین خطرینه!

سوس دئدین:”قوجا”یا، هله سوسماییب
چتین سیناقلاردا دیزی اسمه‌ییب
نه سندن اینجیییب، نه‌ده کوسمه‌ییب
سنده اولان دوز ایلقارین خطرینه!
sazbaglama @   کانال تلی ساز و باغلاما
Saznot.arzublog.com
🌷🌷🌷🌷🌷🌷🌷🌷🌷


+0 می پسندم
یاییلیب : دوشنبه 7 دی 1394 | یازار : تلّی ساز وباغلاما کانالی | بؤلوم : آشیق شعرلری | 0 نظردهید
داینا
الیندن بیر ایش گلیرسه
موشکولو حل ائله داینا
هرزامان الینه دوشمز
بیر گون گئدر یئله داینا

ایگید اؤز دیلین آتمایا
شرفین پولا ساتمایا
هر سؤزو سؤزه قاتمایا
سؤز باغلی دی دیله داینا

حسرت باغری یارا یارا
یای گونونده دوشدوم قارا
اؤز یوردومدان گئدیم هارا؟
جانیم قوربان ائله داینا

  گونو گوندن آرتیر یاغی
گول آچماز نامردین باغی
افسانه سول گؤرمه ساغی
زامان گلیب بئله داینا.

صدفلی ساز(افسانه)

https://telegram.me/sazbaglama


آردینی اوخو(ادامه مطلب)
آشیق شمشیر بیر توی مجلیسینه بیر آشیق کیمی دعوت آلیر.یول اوزاق اولدوغو سببدن بئله قرارا گلیر کی بو مسافه نی قاطار لا گئتسین.گلیب قاطار بیلیتی ساتیلان یئردن گئتدیی یئره بیلیت طلب ائدیر.سن دئمه بیلیت ساتان قیز دا بیر آشیق سئون دی،شمشیرین شعرلرین اوخویارمیش آما هئچ اونو یاخیندان گؤرمه میش ایدی.آشیق شمشیر بیلیت طلب ائتدیکده قیز باشینی قووزامادان سوروشور آدینیز.آشیق شمشیر آدینی دئین کیمی قیز باشین قووزاییب آشیقا باخیر، گولومسه ییر و دئییر عمی!من دئییردیم آشیق شمشیر جاواندی،سن کی قوجالیبسان!!

او آندا آشیق شمشیر هئچ نه دئمه دن قلم اله آلیب و بئله یازیر:

جاوانین گولمه یی قوجایا خوشدور
گول آی قیزیم من قوجایا بیرده گول
خط آغاریب دیش توکولوب اوز باتیب
گولونج ائدیب او خدایا بیرده گول

الیمدن چیخدی جاوانلیق دمی
قوجالیق داغلاییب بوتون سینه می
قویمور دوز دانیشام اییب چنه می
سالیب منی نه های هایا بیرده گول

بیر واخت جاوانیدیم منده سیزین تک
دئییردیم آچیلیب چمن چؤل چیچک
سئومزدیم چیرکینی گزردیم ملک
اعتبارسیز بو دونیایا بیرده گول

منیمله غملره یاری اولارسیز
گؤزللیگین انتظاری اولارسیز
سیزده بیر گون قوجا قاری اولارسیز
بو گردیشه بو فنایا بیرده گول

دوشگونه لازیمدی وئرسن قویماق
سحری قایقاناق،آخشام بال قایماق
شیرین جمالیندان اولارمی دویماق
ائتدیگیم بو تمنایا بیرده گول

عشق اوجوندان اودا یاندی پروانام
زحمت دن قاچمیرام مرد دوغوب آنام
دئییردیم اوو آلان قوجا ترلانام
"شمشیر"کیمی قارچیقایا بیرده گول.

قارچیقا:شیکاری بیر قوش آدی

https://telegram.me/sazbaglama



آردینی اوخو(ادامه مطلب)
+0 می پسندم
یاییلیب : دوشنبه 7 دی 1394 | یازار : تلّی ساز وباغلاما کانالی | بؤلوم : آشیق شعرلری | 0 نظردهید
داغلار

بینه لری چادیر- چادیر
چوخ گزمیشم اؤزوم  داغلار!
قدرتینی سیزدن آلدی
منیم سازیم، سؤزوم داغلار!

مارال گزر آستا- آستا،
ائنیب گلر چشمه اوسته.
گؤزوم یولدا، کؤنلوم سسده،
دئیین،نئجه دؤزوم داغلار؟

هراوبانین بیر یایلاغی،
هرطرلانین اؤز اویلاغی؛
دولایلاردا باهار چاغی
بیردویونجا گزیم داغلار!

قایالاری باش- باشادیر،
گونئیلری تاماشادیر.
گؤدک عؤمرو چوخ یاشادیر
جانیم داغلار، گؤزوم داغلار!

بیرقوناغام بو دونیادا،
بیرگون عؤمروم گئدر بادا؛
وورغونو دا سالار یادا
دوز ایلقارلی بیزیم داغلار.

( صمد وورغون )

https://telegram.me/sazbaglama


قوجا قارتال نه گزیرسن       

اوستاد موکائیل آزافلیدان بیر شعر       

بیر گون اوستاد موکائیل آزافلی یایلاقلارین بیرینده تویا چاغریلمیشدی.
اوردا بئله صؤحبت ائدیر دی کی:آلاچیق (یئکه چادر)قورولموشدو و اونون بیر یانیندا    کیشیلر بیر یانیندادا قادینلار اوز اوزه اوتورموشدولار.منده سازی چالیب اوخویوردوم . بیر آندا قولاقیما قادینلارین سیراسیندان حزین و کؤورک آغلاماق سسی گلدی .اوخویا اوخویا دؤنوب اونلارا ساری باخاندا گؤردوم کی؛ بیر گنج یاشیندا گلین قیزین، قوجاقیندا اوشاق؛گؤزلریندن پیرپیر یاش توکولور .بونا گؤره کی اونون آغلاماقین ائل بیلمه سین؛قوجاقینداکی اوشاقی آغلادیردی.

آزافلی دئییر ایسته دیم بو آغلاماقین ندن اولدوغونو سوروشوم ،آنجاق اوتاندیم.دئدیم یاخشی دوشمز.اوزومو توتوب کیشیلره ساری اوخودوم.بیردن گؤردوم کی کیشیلرین ایچینده ده بیر گنج یاشیندا اوغلان، قوجاقیندا اوشاق اودا آغلاییر.دئییر من داها تیتره دیم، چالخالاندیم.

بارماقلاریم یاواش یاواش سازین تئللرینه دولاشدی. آلاچیقدا سازی سؤزو باشا دوشن،باشی پاپاقلی آغ ساققال کیشی چوخودور؛دایانا بیلمه ییب مندن سوروشدولار؛موکائییل آزافلی سنه نه اولدوکی بئله دییشیلدین.داها یاخشی ساز چالابیلمیرسن.دئدیم:سؤزون دوزو بوردا بیر اوه رک یاندیران ایشه توش اولدوم. من بونون نه دن اودوغونو بیلمه یینجه ساز چالا بیلمه رم.

آغ ساققاللارین بیری منه آچیخلاییب دئدی:موکائییل آزافلی بوایکی گنج(قیز و اوغلان) بیر بیریله ائولنمیشدیلر.بونلارین اوشاقلاری اولمادیقینا گؤره بیر بیریندن آیریلدیلار.اوغلان آیری قیز آلدی.قیزدا آیری اره گئتدی.ایندی هر بیرینین بو یئنی ائولنمکدن بیر اوشاقی اولوب.و بو ییغینجاقدا اونلارین او ایلک سئوگی،محبت لری یادلارینا دوشوب اونا گؤره آغلاییرلار.

موکائییل آزافلی ال گؤتوردو گؤیه دئدی:آی تانری نه اولاردی بو ایکی اوشاقی بیر ایله ییدین بو ایکی کؤنولو بیربیرینه حسرت قویمویایدین. واوردا اوزتوتدو داغلار زیروه سینده گزن قوجا قارتال او بو شعری ائله سینه دن قوشوب اوخودو.

قوجا قارتال نه گزیرسن * داغلار قوینوندا قوینوندا

بالا گؤردوم آناسینین * آغلار قوینوندا قوینوندا

بیر حکیم یارا باغلاییر*سینمی چارپاز داغلاییر
باغبان گؤردوم قان آغلاییر*باغلار قوینوندا قوینوندا

اوغلان اوز توتوب موکائییل آزافلی یا دئدی: اوستاد بیر بند ده اوخوکی بو ایشلر داها ایلکین چاغینا قاییتمایا جاق.
اوستاد دئدی:

آزافلی یاز دیله گلمز * اوچدو بولوبول گوله گلمز

کئچن کئچدی اله گلمز * چاغلار قوینوندا قوینوندا.

قارتال:داغلار زیروه سینده اولان آلیجی بیر قوشدورکی تورکلرین اینامینا گؤره داردا قالان انسانلارا یاردیم ائدر.[Forwarded from کانال آشیقلار و صنعتکارلار]
قوجا قارتال نه گزیرسن       

اوستاد موکائیل آزافلیدان بیر شعر       

بیر گون اوستاد موکائیل آزافلی یایلاقلارین بیرینده تویا چاغریلمیشدی.
اوردا بئله صؤحبت ائدیر دی کی:آلاچیق (یئکه چادر)قورولموشدو و اونون بیر یانیندا    کیشیلر بیر یانیندادا قادینلار اوز اوزه اوتورموشدولار.منده سازی چالیب اوخویوردوم . بیر آندا قولاقیما قادینلارین سیراسیندان حزین و کؤورک آغلاماق سسی گلدی .اوخویا اوخویا دؤنوب اونلارا ساری باخاندا گؤردوم کی؛ بیر گنج یاشیندا گلین قیزین، قوجاقیندا اوشاق؛گؤزلریندن پیرپیر یاش توکولور .بونا گؤره کی اونون آغلاماقین ائل بیلمه سین؛قوجاقینداکی اوشاقی آغلادیردی.

آزافلی دئییر ایسته دیم بو آغلاماقین ندن اولدوغونو سوروشوم ،آنجاق اوتاندیم.دئدیم یاخشی دوشمز.اوزومو توتوب کیشیلره ساری اوخودوم.بیردن گؤردوم کی کیشیلرین ایچینده ده بیر گنج یاشیندا اوغلان، قوجاقیندا اوشاق اودا آغلاییر.دئییر من داها تیتره دیم، چالخالاندیم.

بارماقلاریم یاواش یاواش سازین تئللرینه دولاشدی. آلاچیقدا سازی سؤزو باشا دوشن،باشی پاپاقلی آغ ساققال کیشی چوخودور؛دایانا بیلمه ییب مندن سوروشدولار؛موکائییل آزافلی سنه نه اولدوکی بئله دییشیلدین.داها یاخشی ساز چالابیلمیرسن.دئدیم:سؤزون دوزو بوردا بیر اوه رک یاندیران ایشه توش اولدوم. من بونون نه دن اودوغونو بیلمه یینجه ساز چالا بیلمه رم.

آغ ساققاللارین بیری منه آچیخلاییب دئدی:موکائییل آزافلی بوایکی گنج(قیز و اوغلان) بیر بیریله ائولنمیشدیلر.بونلارین اوشاقلاری اولمادیقینا گؤره بیر بیریندن آیریلدیلار.اوغلان آیری قیز آلدی.قیزدا آیری اره گئتدی.ایندی هر بیرینین بو یئنی ائولنمکدن بیر اوشاقی اولوب.و بو ییغینجاقدا اونلارین او ایلک سئوگی،محبت لری یادلارینا دوشوب اونا گؤره آغلاییرلار.

موکائییل آزافلی ال گؤتوردو گؤیه دئدی:آی تانری نه اولاردی بو ایکی اوشاقی بیر ایله ییدین بو ایکی کؤنولو بیربیرینه حسرت قویمویایدین. واوردا اوزتوتدو داغلار زیروه سینده گزن قوجا قارتال او بو شعری ائله سینه دن قوشوب اوخودو.



🌸🌸دانیشاق🌸

عاشق باغرینا باس صدفلی سازی

مین جوابلی بیر سئوالدان دانیشاق

میدان قوراق، صحبت آچاق، ساز توتاق،

گل یاناقلی، قوشاخالدان دانیشاق

 

قوی سوز آلیم بیر گناهسیز دوداقدان

دشمن باخیب حسد چکسین اوزاقدان

یار بزه نیب چخان زمان اوطاقدان

یاشینداکی گللی شالدان دانیشاق

 

وورغون دئیه ر، بیر دردبیلن یار اولسون

زلفی بولوت، آغ سینه سی قار اولسون

یاخشی گونده، یامان گونده وار اولسون

قدر بیلن احل حالدان دانیشاق

"صمد وورغون 1937"

https://telegram.me/sazbaglama


+0 می پسندم
یاییلیب : دوشنبه 7 دی 1394 | یازار : تلّی ساز وباغلاما کانالی | بؤلوم : آشیق شعرلری | 0 نظردهید
یایلاق

گؤزللر سیرانگاهیسان
سنی گؤروم وار اول یایلاق
آچیلسین گولون نرگیزین
تئزه مورغوزار اول ییلاق


گؤزوم قالدی سیاه تئلده
بولبول اؤلدو مئیلی گولده
بیرکیمسم یوخ قوربت ائلده
سن منه غم خوار اول ییلاق


من سنی گؤرندن بری
سینم اولدو غم دفتری
اؤلدور آشیق علسگری
اؤزون گوناهکار اول ییلاق.

علسگر گؤیچه لی

https://telegram.me/sazbaglama


+0 می پسندم
یاییلیب : دوشنبه 7 دی 1394 | یازار : تلّی ساز وباغلاما کانالی | بؤلوم : آشیق شعرلری | 0 نظردهید
آشنالیغی

آی آقالار،گلین سیزه سؤیله ییم
ازل یاخشی اولار یار آشنالیغی
سن سئوه سن،یارین سنی سئومه یه
اولار بولبول ایله خار آشنالیغی.

باغبان اودور زحمت چکه اللشه
سالدیغی باغ چیچکلشه ، گوللشه
اگر گوجسوز گوجلوایله گوجلشه
اولار ترلان ایله سار آشنالیغی.

« خسته قاسیم » غم الیندن مست اولا
اهل درویش خیرقاسیندا پوست اولا
بیر آدام کی،لقمه ایلا دوست اولا
اولار یاغیش ایله قار آشنالیغی.

خسته قاسیم

https://telegram.me/sazbaglama


یارپاق لار : 1 2 3